buguntv.az

Daha bir təyyarə qəzaya uğradı: Göyərtəsində 83 sərnişin olub

27-01-2020, 21:25

 Əfqanıstanda Qəndəhar şəhərindən Kabilə gedən “Ariana Afghan Airlines” şirkətinə məxsus sərnişin təyyarəsinin Qəzni vilayətinin Deh Yak bölgəsində dağlıq əraziyə düşdüyü məlum olub. 

Bu barədə “Haber 7” xəbər verib. 

Təyyarədə ən azı 83 nəfərin olduğu və hava gəmisinin yerə çırpıldıqdan sonra yandığı vurğulanıb.

Faciənin səbəbləri hələ məlum deyil.

“Ariana News” isə təyyarənin Əfqanıstanın Herat şəhərindən Hindistanın Nyu-Dehli şəhərinə uçduğunu bildirib. Həmçinin, o da vurğulanır ki, göyərtədə 110 nəfər olub.

“Ariana Afghan Airlines” “Facebook” səhifəsində şirkətə məxsus hava gəmilərinin qəzaya uğraması barədə xəbəri təkzib edib. 

Qəzni vilayətinin qubernatoru Arif Nuri yerli sakinlərin alov içində olan təyyarəni söndürməyə çalışdığını bildirib. Bununla belə o, təyyarənin sərnişin, yoxsa hərbi təyyarə olduğunun anlaşılmadığını vurğulayıb.

Yanvarın 27-də Qəzni əyalətində qəzaya uğrayan təyyarənin Əfqanıstan ordusuna aid olduğu bildirilib.

Bununla bağlı “RİA Novosti” agentliyi Əfqanıstan hökumətindəki mənbəyə istinadən məlumat yayıb. 

Əfqanıstanın mərkəzi hissəsində sərnişin təyyarəsi qəzaya uğrayıb.

Bu barədə “TOLO News” özünün “Twitter” səhifəsində bəyan edib.

Məlumata görə, faciə “Taliban”ın nəzarətində olan Qəzni əyalətində qeydə alınıb. 

Təyyarə “Ariana Afghan Airlines” şirkətinə məxsus olub. İlkin məlumatlara görə, göyərtədə 83 nəfər var imiş.


Mətndə səhv var? Onu siçanla seçin və Ctrl+Enter düyməsini basın.
Oxunub: 13
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.BUGUNTV.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

(+99470) 527 05 05