Fevralın 5-də "Leyla Khazari Art Gallery"də gənclər gününə həsr olunmuş "Axın" adlı rəsm sərgisi açılacaq.

AZƏRTAC xəbər verir ki, sərgi Mədəniyyət Nazirliyi və Azərbaycan Dövlət Rəsm Qalereyasının təşkilatçılığı ilə reallaşacaq.

Sərgi gənclərin istedad və bacarıqlarının üzə çıxarılması, mədəni tədbir layihələrində iştirakını dəstəkləmək məqsədilə həyata keçirilir. Sərgidə 30-dan çox gənc rəssamın 50-ə yaxın rəsm əsəri sərgilənəcək. Bundan başqa gənc rəssamlara dəstək məqsədilə

rəsm əsərlərinin satışı da təşkil olunacaq.