buguntv.az
buguntv.az

"Regionları inkişaf etdirməklə Bakını boşaltmaq lazımdır" — Deputat

76 dəfə baxılıb 8-03-2019, 16:48


"Məhkəmə-hüquq sistemində nümayəndəlik institutunun ləğv edilməsi yanlışlıqdır və bu institut islahatlar nəticəsində yenidən bərpa olunmalıdır".

 Bunu “Ölkə.Az”-a açıqlamasında millət vəkili Fazil Mustafa deyib.

Onun sözlərinə görə, nümayəndəlik institutunun ləğvi müəyyən qrupların vəkilə təzyiq göstərməsinə şərait yaradır.

“Çünki bəzi maraqlı qruplar nümayəndəlik institutuna təzyiq edə bilmədiyindən bunu sıradan çıxartdılar. Amma vəkilə təzyiq imkanları var. Bununla da vəkilin  məhkəmə prosesinə daha ciddi formada  müdaxiləsini aradan  qaldırmış oldular. Ona görə ki, vəkil hər hansı bir prosesə ciddi müdaxilə edərsə, şikayət əsasında onun vəkillik fəaliyyətinə xitam verilə bilər. Ancaq nümayəndələrə bunu tətbiq etmək mümkün deyildi” - deyə F. Mustafa qeyd edib.

Millət vəkili əlavə edib ki, bununla da müəyyən qurumlar nümayəndəlik institutunu ləğv etməklə  özləri üçün  arxayın bir məhkəmə sistemi yaratmış oldular.

 

“O baxımdan da bu problemin aradan qaldırılmasına  və nümayəndəlik institutunun yenidən bərpa edilməsinə ehtiyac var. Biz ancaq bu yolla məhkəmə müdafiə imkanlarını genişləndirə bilərik. Ona görə də məhkəmə-hüquq sistemində ciddi islahatlara ehtiyac var”, - deyə deputat bildirib.

O, əlavə edib ki, məhkəmə-hüquq sistemində həyata keçiriləcək islahatların məqsədi nəticədə insanların narazı qalmamasıdır.

 “Çünki bu sahədə ciddi problemlər var. Mən ehtiyat edirəm ki, ölkə başçısının həyata keçirdiyi bu islahatlara məmurlar tərəfindən maneçilik yaradılsın. Bu isə islahatların həyata keçməsinə ciddi zərbə vura bilər. Onsuz da bu gün ölkə başçısı tərəfindən həyata keçirilən islahatlara bəzi məmurlar tərəfindən maneçilik yaradılır. Məsələn prezident deyir ki, sahibkarları yoxlamayın, onlara şərait yaradın. Biz bunun əksinin şahidi oluruq. Əgər sahibkarlarla açıq bir görüş keçirilərsə, o zaman onlara yaradılan nə qədər ciddi süni maneçiliklərin  ortaya çıxdığının şahidi olarıq”, - deyə F.Mustafa deyib.

Deputat əlavə edib ki, sahibkarların fəaliyyətinə ciddi maneçilik yaradıldığından ölkəyə investisiya qoymurlar. Təsəvvür edin Rusiyada yüzlərlə azərbaycanlı iş adamı var ki, Azərbaycana sərmayə qoymaq istəsə də, bundan qorxur. Odur ki, qorxunu aradan qaldırmaq lazımdır. Qorxu aradan qalxarsa, müstəqil məhkəmə institutu yaradılarsa, o zaman ölkədə digər problemlər də həllini tapacaq. Ölkədəki ən ciddi problemlərin kökündə məhz müstəqil məhkəmə sisteminin olmamasıdır”, - deyə deputat bildirib.

Millət vəkili hesab edir ki, məhkəmə-hüquq sistemində islahatlar həyata keçirilərkən ilk növbədə kadr məsələsinə ciddi  fikir vermək lazımdır. 

“Bu gün məhkəmə sisteminə rəhbərlik edənlər cəmiyyət qarşısına çıxıb  bir kəlmə danışa bilməyənlərdir. Uzun illərdir, məhkəmə sisteminin başında oturanlar islahatlar bir yana, qanunla nəzərdə tutulan funksiyaları yerinə yetirə bilmirlər. Onlar ölkə başçısının Cinayət Məcəlləsinin humanistləşdirilməsi ilə bağlı verdiyi qərarları icra edə bilmirlər. Bu gün məhkəmələrdə  mühakimə olunanlara alternativ cəza nəzərdə tutulsa da,  bu istiqamətdə addımlar atılmır.  Veriləcək qərarların da qiymətləri var. Ona görə də islahatlar nəticəsində məhkəmələr korrupsiyadan xilas olmalıdır. Müstəqil, azad məhkəmə sistemi formalaşdırılmalıdır ki, onlar ədalətli qərarlar  verə bilsinlər.  Bu olmayacağı təqdirdə iş adamı da ölkəyə sərmayə yatırmayacaq. Əgər sahibkar görsə ki, onun arxasında hansısa himayədar yox, dövlət dayanıb, ölkə iqtisadiyyatına sərmayə yatıracaq. Müstəqil məhkəmə sistemi olmadığından iş adamı məcburiyət qarşısında kiminsə himayəsi altında fəaliyyət göstərir və gəlirinin də 50 faizini ona verir".  

İş adamınının hərəsi 100-200 iş yeri açarsa, o zaman işsizlik problemi də aradan qalxmış olar”, - deyə F.Mustafa bildirib.

Ölkə başçısının şəhərsalma sahəsində islahatlar həyata keçirilməsi ilə bağlı anonsunu şərh edərək deyib ki, bu sahədəki problemlər, qanunsuzluqlar  aradan qaldırılmalıdır: 

“Əslində bu gün biz də şəhərsalma problemi yoxdur. Bizdə şəhərin yüngülləşdirilməsi problemi mövcuddur. İş təkcə bina tikməkdən ibarət deyil, əsas məsələ infrastrukturun yaradılmasıdır. Burada digər əsas məqamlardan biri də regionların inkişaf etdirilməsi və Bakının yükdən azad edilməsidir. Regionlar inkişaf  etmədiyindən  hamı Bakıya yığışıb. Regionları inkişaf etdirməklə Bakını boşaltmaq lazımdır” - deyə deputat bildirib.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
MARAQLI
DİN
TƏQVİM
«    Haziran 2019    »
PtSaÇaPrCuCtPz
 12
3456789
10111213141516
17181920212223
24252627282930
MƏZƏNNƏ
 Valyuta məzənnəsi