buguntv.az
buguntv.az

Ağdam icra hakimiyyəti şikayətləri qulaqardına vurur... - GİLEY

68 dəfə baxılıb 29-03-2019, 12:35



Ağdam rayon Orta Qərvənd kəndində Aprel döyüşləri zamanı zərər görmüş ev hələ də təmir edilməyib.

Bu barədə Yenicag.az-a həmin evin sahibi olan Səlimov Hüseyn İbiş oğlu məlumat verib.

Ağdam icra hakimiyyəti şikayətləri qulaqardına vurur... - GİLEY
Ev sahibinin sözlərinə görə, Aprel döyüşlərindən sonra zərər görmüş evləri bərpa etmək üçün gəlirlər, söz verirlər, ancaq heç nə etmirlər.

Səlimov Hüseyn bildirib ki, bu barədə dəfələrlə Ağdam Rayon İcra Hakimiyyətinə müraciət edib:

“Ağdam Rayon İcra Hakimiyyətinin memarlıq şöbəsi aylardır vəd verir ki, evi təmir edəcəklər, ancaq verdikləri vəd elə sözdə qalır. Evimi hər dəfə təmir ediləcək evlər siyahısına salırlar, təmir vaxtı gələndə isə evimə yaxın gəlmirlər. Niyə, səbəb nədir, bilmirəm. Prezident İlham Əliyev Ağdam rayonunda evlərin təmiri üçün 3 milyon manat pul ayırmışdı. O pullar hara xərclənib?”

Ağdam icra hakimiyyəti şikayətləri qulaqardına vurur... - GİLEY
Səlimov Hüseyn imkansızlıqdan Aprel döyüşləri vaxtı zərər çəkmiş evini təmir edə bilmədiyini deyib:

“Bu gün-sabah Aprel döyüşlərinin 3 ili tamam olacaq, ancaq hələ də o vaxt zərər görmüş evim təmir edilmir. Özüm mülki əliləm, işləmirəm. İmkanım çatsa, heç bunlara ağız açmazdım”.

Qeyd edək ki, Prezident İlham Əliyev erməni silahlı qüvvələrinin Ağdam və Tərtər rayonlarını intensiv atəşə tutması nəticəsində mülki əhaliyə dəymiş ziyanın aradan qaldırılması ilə bağlı tədbirlər haqqında sərəncam imzalayıb. Sərəncama əsasən, 2016-cı il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Ağdam və Tərtər Rayon İcra Hakimiyyətlərinin hər birinə 3,0 (üç) milyon manat olmaqla cəmi 6,0 (altı) milyon manat ayrılıb. (Yenicag.az)


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
MARAQLI
DİN
TƏQVİM
«    Ağustos 2019    »
PtSaÇaPrCuCtPz
 1234
567891011
12131415161718
19202122232425
262728293031 
MƏZƏNNƏ
 Valyuta məzənnəsi